महासमुंद म भीषण सड़क हादसा, 4 मनखे के मउत, 5 घायल

Dilip Kumar

महासमुन्द, 9 अगस्त 2020। जिला म रविवार बिहनिया तड़का 3 बजे एक सड़क दुर्घटना म 4 मनखे के मउत होगे हे, उहें 5 मनखे गंभीर रूप ले घायल होगे हे, जोन ल रायपुर रिफर करे गे हे। बता देथन कि एक सूमो वेस्ट बंगाल के नेशनल हाइवे 53 पिथौरा क्षेत्र के ग्राम टेका ले गुजरत रिहिस, जोन सड़क किनारा खड़े एक ट्रक के पीछू जा घुसिस। टक्कर अतना जबरदस्त रिहिस कि वाहन म सवार सबो मनखे म 4 के घटना स्थल म ही मउत होगे। उहें 5 मनखे ल गंभीर चोट आये हे, जोन ल तत्काल रायपुर रिफर करे गे हे। सूमो सवार सबो पश्चिम बंगाल के निवासी बताये जावत हे जोन मन एक निजी कार्यक्रम म शामिल होय बर महाराष्ट्र जावत रिहिस।

लउछरहा..