राजधानी के माना इलाका म फैलिस भीषण आग, कई किमी दूर ले दिखाई देवत धुआं के गुबार

रायपुर, 5 अप्रैल 2021। राजधानी रायपुर के माना थाना इलाका म शदाणी दरबार तीर फर्नीचर दुकान म भीषण आग लग गए हे, बताये जावत हे कि प्लास्टिक कूलर, अलमारी अऊ फर्नीचर के दुकान म आग लगे हे, आग म काबू पाये बर मउका म दमकल के कई गाड़ी मन आग बुझाये बर काम करत हे। आग के भयावह स्थिति के अंदाजा इही ले लगाये जा सकत हे कि एखर गुबार 5 किमी दूर ले देखे जा सकत हे, प्रत्यक्षदर्शी मन के मानन त पहली ये सिलिंडर फटे जइसे ब्लास्ट होय रहिस ओखर बाद इहां आग लगे हे। अभी तक कई राउंड पानी डाले जा चुके हे, अऊ ये आग ले बड़का नुकसान होय के संभावना हे, तीर-तीखार के लोगन म दहशत के माहौल हे।