नेशनल हाइवे पर फेर होइस बड़का हादसा, दू के मउत दू गंभीर रूप ले घायल

कवर्धा, 17 जुलाई 2020। सड़क दुर्घटना के सिलसिला थमें के नाम नइ लेवत हे लगभग प्रतिदिन जिला म एक्सीडेंट होवत हे। दुर्घटना म लोग मन के जान घलो जावत हे। अब नेशनल हाइवे रायपुर रोड के दुल्लापुर अउ सोनपुरी के तिर मेटाडोर अउ ट्रक के बीच जबरदस्त भिड़ंत होइस। एमा मेटाडोर के क्लीनर अउ ड्राइवर के मउका म ही मउत होगे। वहीं ट्रक ड्राइवर गंभीर रूप ले घायल होगे हे। जोन ल जिला अस्पताल लेगे। मेटाडोर रायपुर ले कवर्धा के डहर आवत रिहिस अउ कवर्धा ले रायपुर के डहर जावत ट्रक ले टकरागे ये दुनो के बीच भिड़ंत अतना जबरदस्त रिहिस कि ड्राइवर अउ क्लीनर मेटाडोर के अंदर ही फंसगे जेखर मउत होगे। दुर्घटना के तुरंत बाद खबर मिलत ही पुलिस मउका म पहुँचगे। ट्रैफिक व्यवस्था ल बहाल करे गिस। एखर अलावा ड्राइवर अउ क्लीनर के शरीर ल बड़ा मुश्किल ले निकाले गिस।