01 ले 07 अगस्त 2022 तक मनाए जाही विश्व स्तनपान दिवस
बीजापुर, जिला म बीजदूतीर स्वयं सेवक मन अगस्त के पहिली हफ्ता विश्व स्तनपान हफ्ता के रूप म मनावत हें। ये बेरा म पूरा हफ्ता प्रसूता अऊ शिशुवती महिला मन के बीच स्तनपान ल बढ़ावा देहे शिशु, नान्हें लइका मन ल बीमारी अऊ कुपोषण ले बचाय अऊ शिशु मृत्यु दर म कमी लाय के जागरूकता बर प्रयास करे जाही। एखर बर स्वास्थ्य अऊ महिला अउ बाल विकास विभाग यूनिसेफ,एग्रिकान कोति ले संघरा 1 ले 7 अगस्त तक जागरूकता के कई कार्यक्रम होही। विश्व स्तनपान हफ्ता 2022 के थीम “मौका छुटे ना” के आधार म बीजदूतीर स्वयंसेवक सफल स्तनपान बर जागरूकता बर कदम बढ़ाएं हे।
विश्व स्तनपान हफ्ता के उद्देश्य जिला म प्रसूता अऊ शिशुवती महिला मन के बीच स्तनपान बर जागरूकता बढ़ाना हे, काबर के ये लइका मन के संगें-संग माता मन के स्वास्थ्य बर घलोक जरूरी हे। लइका के बने स्वास्थ्य बर स्तनपान के जिम्मेदारी माता के संग संग परिवार अऊ मुख्य रूप ले पिता के घलोक होथे। पिता ह लइका के माता के देखभाल करना, माता ल लइका के संग जादा समय व्यतीत करे अऊ उचित तरीका ले स्तनपान कराए बर प्रोत्साहित करना आदि तरीका ले भूमिका निभा सकत हे। हफ्ता के समय स्तनपान के महत्व मनखे मन तक पहुंचाए बर जिला, ब्लॉक अऊ ग्राम स्तर म कार्यशाला रैली नुक्कड़ नाटक जइसे कई ठन कार्यक्रम बीजदूतीर स्वयंसेवक मन आयोजित करहीं। आंगनबाड़ी अऊ ग्राम स्तर म नारा लेखन, वॉल रायटिंग, पोस्टर-बैनर के माध्यम ले स्तनपान ले संबंधित महत्वपूर्ण संदेश मन के प्रचार-प्रसार करे जाही।
