प्रदेश म तीसरइया जगा म पहुँचिस सक्ती जिला – 30 हजार ले जादा परिवार मन ल मिलीस पक्का घर
सक्ती, छत्तीसगढ़ के नवगठित सक्ती जिला ह प्रधानमंत्री आवास योजना (ग्रामीण) के सफल क्रियान्वयन म एक नवा इतिहास रच देहे हे। नवगठित जिला होए के बाद घलोक, सक्ती ह उल्लेखनीय उपलब्धि हासिल करत साल 2024-25 म 30 हजार 512 आवास पूरा करके प्रदेश म तीसरइया जगा पाए हे। ये उपलब्धि न केवल संख्यात्मक सफलता के चिनहारी हे, बल्कि उन हजारों परिवार मन के जीवन म आए स्थिरता, सुरक्षा अऊ सम्मान के कहानी घलोक हे, जे मन ह कइ बछर तक कच्चा अऊ असुरक्षित मकान मन म जीवन व्यतीत करत रहिन।
कच्चा ले पक्का घर तक के सफर- सक्ती बनिस मिसाल
प्रधानमंत्री आवास योजना के तहत सक्ती जिला म अब तक साल 2016 ले 2023 तक कुल 44 हजार 319 आवास के निर्माण पूरा करे गए हे, जेन 95 प्रतिशत लक्ष्य प्राप्ति दर्शाथे। उहें, साल 2024-25 म 30 हजार ले जादा मकान पूरा करके जिला ह मिशन मोड म काम के उदाहरण प्रस्तुत करे गए हे। हर ग़रीब के पक्का घर राज्य सरकार के पहली प्राथमिकता रहे हे । मुख्यमंत्री श्री विष्णुदेव साय के अगुवई म छतीसगढ़ के सबो जिला मन म ये योजना प्रभावी ढंग ले संचालित होए हे। नियमित फील्ड विजिट, समयबद्ध वित्तीय सहायता, अऊ हितग्राही मन के संग सतत गोठ के परिणामस्वरूप ये उल्लेखनीय प्रगति संभव होए हे।
