छत्‍तीसगढ़ म हारही कोरोना, आज तको बिलासपुर के एक मरीज स्‍वस्‍थ होके पहुंचिस घर

सरकार के प्रेस विज्ञप्ति

छत्तीसगढ़ शासन, स्वास्थ्य अउ परिवार कल्याण विभाग के राज्य कन्ट्रोल एन्ड कमांड सेंटर ले जारी दैनिक प्रेस विज्ञप्ति के मुताबिक 2 अप्रैल 2020 संझा 06:00 बजे तक विश्व म अब तक कुल 823626 मनखे कोरोना वायरस ले संक्रमित हें अऊ अभी तक कुल 40598 मनखे के मृत्यु हो गे हे। भारत म अभी हाल म कोरोना वायरस के संक्रमण ले 29 ले जादा राज्य प्रभावित हे, जेमा कुल 1764 प्रकरण के पुस्टि हो गे हे अऊ कुल 50 मनखे के मृत्यु हो गे हे।

छत्तीसगढ़ राज्य म अब तक कोरोना वायरस के कुल 1232 संभावित मनखे के पहिचान करके सैंपल जांच करे गए हे, अभी तक 921 के परिणाम निगेटिव मिले हे अऊ 302 के जांच जारी हे। अभी हाल म एम्स रायपुर म 05, मेडिकल कॉलेज राजनांदगांव म 01 मरीज ल भर्ती करके इलाज करे जात हे। जगदलपुर चिकित्सा महाविद्यालय म घलोक जांच करे जात हे।

छत्तीसगढ़ राज्य बर एक सुग्‍घर खबर हे के कोरोना ले पीड़ित एक मरीज जऊन कि बिलासपुर के रहइया हे, इलाज के बाद पूरा स्वस्थ्य हो गए हे, ओला आज अपोलो अस्पताल बिलासपुर ले डिस्चार्ज कर देहे गीस। सरकार ह राज्य के सबो निवासी मन ले अपील करे हें के लॉकडाउन ल सफल बनात सामाजिक दूरी के सिद्धांत के पालन करव अऊ राज्य म कोरोना वायरस के विरुद्ध लड़ाई म सरकार के सहयोग करव। जेखर से राज्य म कोरोना वायरस के संक्रमण ले बचाव करे जा सकय।