दंतेवाड़ा के अरनपुर ले एक इनामी नक्सली होइस गिरफ्तार

दंतेवाड़ा, 30 जुलाई 2020। नक्सली मन के डाहर ले शहीदी सप्ताह मनाये जाये के सूचना म निकले संयुक्त संर्चिंग पार्टी ह एक लाख के इनामी नक्सली ल गिरफ्तार करे हे। अरनपुर क्षेत्र के अंतर्गत ग्राम अरनपुर के सरपंचपारा, बण्डीपारा, कोंडापारा म माओवादी मन के 28 जुलाई ले 3 अगस्त तक शहीदी सप्ताह मनाये जाये के सूचना म थाना अरनपुर के बल, डीआरजी दंतेवाड़ा, सीआरपीएफ 111 बटालियन ए/ई कंपनी के संयुक्त पुलिस पार्टी सर्चिंग म निकले रिहिस। ये दौरान ग्राम बण्डीपारा के जंगल म पुलिस पार्टी ल देख के माओवादी भागे लगिस। घेराबंदी करके एक माओवादी केएएमएस अध्यक्ष पोदिये मंडावी उर्फ लक्ष्मी उर्फ कोसी उम्र 25 वर्ष निवासी ध्रुवापारा ल गिरफ्तार करे गे हे। छत्तीसगढ़ शासन के नवा इनामी पॉलिसी के तहत गिरफ्तार माओवादी उपर एक लाख रुपिया के इनाम रिहिस।