छत्तीसगढ़ म ‘हाथी-मानव द्वंद’ ल रोके खातिर चलाए जात हे जनजागरूकता अभियान – मुख्यमंत्री श्री साय

मुख्यमंत्री श्री विष्णु देव साय ह काली विश्‍व हाथी दिवस के कार्यक्रम म कहिन के छत्तीसगढ़ के हाथी मन सो बड़ जुन्ना नता रहे हे। हमार बर माई उदीम हाथी-मानव द्वंद ल रोकना हे। एखर बर राज्य सरकार सरलग जागरूकता कार्यक्रम संचालित करत हे। बहुत अकन नवाचार करे जात हे। हाथी मन के विचरण के जानकारी गांव वाले मन ल देहे बर सरगुजा ले हमर हाथी हमर गोठ रेडियो कार्यक्रम के प्रसारण करे जात हे, गांव वाले मन ल अपन कोति ले हाथी मन के सुरक्षा के प्रति संवेदनशील बनाए बर राज्य सरकार गज यात्रा अभियान चलावत हे। ‘गज संकेत अउर सजग’ ऐप के माध्यम ले हाथी के विचरण के जानकारी गांव वाले मन ल मिलत हे। मुख्यमंत्री ह कहिन कि हाथी-मानव द्वंद ल रोके बर पूरा पारिस्थितिकी तंत्र के प्रबंधन करे जात हे। हाथी मन से फसल क्षति बर किसान ल देहे जात मुआवजा के राशि कम हे, एला बढ़ाए के जरूरत हे। हाथी-मानव द्वंद ल कम करे बर छत्तीसगढ़ ल सफलता मिले हे।

ए कार्यक्रम के बारे म जम्‍मो जानकारी हिन्‍दी म येदे कड़ी ले पढ़े जा सकत हे।