छत्तीसगढ़ म एक ही दिन म मिलिस कोरोना के 68 नवा मामला, अब एक्टिव केस 281 पहुचीस

रायपुर, 26 मई 2020। छत्तीसगढ़ म कोरोना पॉजिटिव के संख्या लगातार बढ़त जावत हे. मंगलवार के एक ही दिन म 68 नवा मरीज मन के पहिचान करे गये हे. एखर संग ही प्रदेश म एक्टिव मरीज मन के संख्या बढ़के 281 होगे हे. वहीं प्रदेश म अब तक कुल 360 लोग मन ये वायरस के चपेट म आ चुके हे. जोन म ले 79 मरीज मन पूरा तरह ले स्वस्थ होके अपन-अपन घर जा चुके हे. एखर अलावा कुल सात मरीज मन ल आज डिस्चार्ज करे गये हे. बालोद जिला के 5, बलौदाबाजार अउ कोरबा के 1-1 मरीज शामिल हे.