कवर्धा जिला म रोजगार गारंटी योजना ले बने कुआ ह पेयजल के समस्या के समाधान करके आत्मनिर्भर बनाइस

कवर्धा, 04 जून 2020। कबीरधाम जिला के विकासखंड बोड़ला के ग्राम पंचायत ढोलबज्जा म सिंचाई कूप निर्माण ले पवन पिता सोहन सिंह ल रोजगार के संग पेयजल के घरे म व्यवस्था हो गए हे। महात्मा गांधी राष्ट्रीय ग्रामीण रोजगार गारंटी योजना ले एक लाख 52 हजार रूपिया के लागत राशि ले पवन बर कूप निर्माण काम स्वीकृत करे गीस। ये काम ले 186 मानव दिवस के रोजगार सृजन होइस जेमां पवन के परिवार ल 98 मानव दिवस के रोजगार मिले हे जेखर बर 18 हजार 620 रुपिया के मजदूरी पवन के परिवार ल मिलीस। घर म कुआं के निर्माण हो जाय ले पवन ल बहुत सुविधा मिल गीस। अपन बॉडी म साग भाजी लगाके वोकर बर दू पइया के आमदनी के रद्दा खुल गीस।