पखांजूर म एक जवान ह करिस आत्महत्या, गस्त ले लहुटत बेरा खुद ल मारिस गोली

पंखाजुर(कांकेर), 06 जून 2020। प्रदेश म एक जवान ह आत्महत्या कर ले हे. घटना उत्तर बस्तर कांकेर म पंखाजुर क्षेत्र के हे. मृतक जवान के नाम सुरेश कुमार हे. वो बीएसएफ संगम कैंप-157वीं बटालियन पंखाजुर म तैनात रहिस. स्थानीय पुलिस ले मिले जानकारी के अनुसार सुरेश कुमार रोज रुटीन अनुसार संगी जवान मन के संग गस्त म निकले रहिस. बिहनिया 4 बजे वो अपन संगी मन के संग गस्त ले वापिस लहुटत रहिस. इही बीच उमन खुद ल सर्विस रायफल ले गोली मार लीन. फिलहाल आत्महत्या काबर करिस एखर पता नई चल पाये हे. मृतक जवान हरियाणा के पानीपत के रहईया रहिस. जवान ल कैंप म श्रद्धांजलि देके शव ल गृह क्षेत्र के बर रवाना कर दे गे हे. वहीं ये मामला म बटालियन के अधिकारी कुछ नई कहत हे. जांच पूरा होय के बाद ही आत्महत्या के कारण के खुलासा हो पाही.