राजधानी म लाखों के सट्टा पट्टी के संग एक युवक गिरफ़्तार

रायपुर, 2 अक्टूबर 2020। राजधानी रायपुर म सट्टाबाजी के बढ़त मामला ल देखत हुए गुरुवार के फेर आईपीएल मैच म दांव लगाने वाला ल पुलिस ह धरदबोचे हे। इही कड़ी म गुरुवार के मुखबिर ले मिले सूचना के आधार म राजेंद्र नगर थाना पुलिस अउ सायबर सेल के टीम ह महावीर नगर स्थित कुकरेजा फार्म हाउस के आगु हैप्पी होम्स कॉलोनी म दबिश दे के आरोपी ल 6,43,000 रुपिया नकदी अउ 10 लाख 37 हजार के सट्टा पट्टी के संग गिरफ्तार करे हे। थाना प्रभारी विशाल कुजूर ह बतइस कि आरोपी विशाल दौलतानी उम्र 30 वर्ष द्वारा आईपीएल मैच म दांव लगाये जावत रिहिस। उहें आरोपी के पास ले एक एक्टिवा, मोबाइल सहित सट्टा पट्टी अउ नकदी रकम जप्त करे गे हे। आरोपी के विरुद्ध जुआ एक्ट के धारा 4 के तहत अपराध पंजीबद्ध करे जावत हे।