जगदलपुर, 29 अप्रैल 2024। जिला म लइका मन के बकनी चाल वाले फोटू-वीडियो वाले एक मामला आगू आए हे। बस्तर पुलिस ह जगदलपुर के आड़ावल के एक युवक ल गिरफ्तार करे हे। पुलिस ह एखर तीर ले दू मोबाइल फोन घलोक बरामद करे हे। आरोपी ल कोर्ट म पेशकरके जेल भेज दे गए हे। ये मामला बोधघाट थाना क्षेत्र के ये।
जानबा हे के, दिल्ली सीआरबी कोति ले चाईल्ड पोर्नोग्राफी संबंधी वीडियो अपलोड करे के संबंध म शिकायत होए रहिस। सीआरबी ह एखर जांच बर बोधघाट थाना ले शिकायत करे रहिस, तेखर बाद एसपी शलभ सिन्हा के हुकुम म बोधघाट थाना प्रभारी लीलाधर राठौर के अगुवई म टीम गठित करे गीस। टीम ल मामला के जांच करे हुकुम देहे गीस। जांच म आड़ावल के रहवईया संभव घंटेला के संलिप्तता पाय गीस, तेखर बाद आरोपी संभव घंटेला ल पकड़े बर पुलिस ल आड़ावल भेजे गीस। जिहां ओला ओखर घर ले पकड़े गीस। ओखर तिर ले दू मोबाइल फोन घलोक बरामद करे गीस। पुलिस के बताती, आरोपी ल पॉक्सो के धारा 14, 15 अउ आई. टी. एक्ट के धारा 67.B के तहत गिरफ्तार करके न्यायिक रिमांड म भेजे गए हे।
