मितान योजना: 5 साल तक के लइका मन के आधार पंजीयन

रायपुर, छत्तीसगढ़ राज्योत्सव म राज्य शहरी विकास अभिकरण नगरीय प्रशासन अउ विकास विभाग, छत्तीसगढ़ शासन कोति ले हमर सरकार हमर द्वार, मुख्यमंत्री मितान योजना के माध्यम ले 5 साल तक के लइका मन के आधार पंजीयन अउ सबो आयु वर्ग के निवासी मन के आधार म मोबाईल अपडेट सुविधा प्रदाय करे जात हे। राज्योत्सव म नगरीय प्रशासन अउ विकास विभाग के स्टाल म भारतीय विशिष्ठ पहिचान प्राधिकरण, भारत सरकार ले श्री श्रीनिवास नायक जी, निदेशक अउ चौतन्या रेड्डी टी उप निदेशक, क्षेत्रीय कार्यालय, हैदराबाद विशेष रूप ले उपस्थित हें। अधिकारी मन ह मुख्यमंत्री मितान योजना अंतर्गत घर पहुंच सेवा मन के प्रगति के सराहना करिन। एखर संगे संग 5 साल तक के लइका मन के आधार पंजीयन अउ सबो आयु वर्ग के निवासी मन के आधार म मोबाईल अपडेट ले संबंधित समस्त जानकारी लेहे गीस।
राज्य शहरी विकास अभिकरण के अधिकारी मन ह आमंत्रित अधिकारी मन ल जानकारी दीन के एक मई 2022 ले अब तक 23000 ले जादा परिवार लाभान्वित होए हें। अधिकारी मन ह बताइन कि एक नवंबर 2022 ले 5 साल तक के लइका मन के आधार पंजीयन अउ सबो आयु वर्ग के नागरिक मन के आधार म मोबाईल नंबर अपडेट सुविधा चालू करे गीस। राज्य के कई शहरी क्षेत्र मन म पाछू 2 दिन म ही करीब एक हजार ले जादा मनखे मन ह छोटे लइका मन के आधार पंजीयन अउ आधार म मोबाईल अपडेट बर मितान कॉल सेंटर के माध्यम ले अपाइंटमेंट बुक कराए हें। भारतीय विशिष्ट पहिचान प्राधिकरण के अधिकारी मन ह ल 5 साल तक के लइका मन के आधार पंजीयन बर हर संभव सहयोग करे के बात कहीन।