दिल्ली। देश के कानून मंत्रालय ह वोटर आईडी कार्ड ल आधार ले लिंक करे के इजाजत दे दिस चुनाव आयोग ह कानून मंत्रालय के इजाजत बर ये प्रस्ताव ल भेजे रहिस जोन ल कानून मंत्रालय ह मान गए है।
दरसल, चुनाव आयोग ह कहे रहिस कि 12 नंबर वाले आधार कार्ड अउ वोटर आईडी कार्ड ल लिंक करे बर वोला कानूनी अधिकार चाही रहिस जेखर बर कानून मंत्रालय ले इजाजत मिलना जरुरी रहिस। चुनाव आयोग के मुताबिक अइसन करे ले फर्जी वोटर मन ऊपर रोक लगाये जा सकत। एखरे सेती सबो वोटर कार्ड धारक मन ल अपन आधार नंबर देना जरूरी हो जाही। जरूरी बात ये हे कि अगर कोनो आदमी अइसन नई करही त वोखर नाम वोटर लिस्ट ले नई हटाये जाए।
केंद्रीय कानून मंत्री रविशंकर प्रसाद ह जानकारी देवत हुए बताये हे कि ये आँकड़ा मन ल कोनो हैक या कापी नई कर सकय। अब अइसे माना जावत कि कानून मंत्रालय के हरी झंडी मिले के बाद अब चुनाव आयोग आधार कार्ड ल वोटर कार्ड ले लिंक करे के काम राष्ट्रव्यापी स्तर पर शुरू कर देही।