‘जाबो बालवाड़ी बढ़ाबो शिक्षा के गाड़ी’ के थीम उपर बालवाड़ी के स्थापना
पांच ले छै साल आयु वर्ग के लइका मन ल खेल खेल म सीखे के मिलही अवसर
नवा शिक्षा नीति के मुताबिक संचालित होही बालवाड़ी
5,173 बालवाड़ी मन के संग योजना के शुभारंभ
रायपुर, मुख्यमंत्री भूपेश बघेल ह नवा शिक्षा नीति के मुताबिक खेल खेल म लइका मन के सीखे अऊ समझे के क्षमता ल विकसित करे बर अपन निवास कार्यालय म आज 5 सितंबर के शिक्षक दिवस के अवसर म प्रदेश म बालवाड़ी योजना के शुभारंभ करे हें। स्कूल शिक्षा विभाग कोति ले बालवाड़ी योजना पांच ले छै साल तक के आयु के लइका मन बर शुरू करे गए हे। ‘जाबो बालवाड़ी बढ़ाबो शिक्षा के गाड़ी’ के थीम के संग मुख्यमंत्री निवास कार्यालय म मुख्यमंत्री श्री भूपेश बघेल ह शिक्षा मंत्री श्री प्रेमसाय सिंह टेकाम के मौजूदगी म ये योजना के शुरूआत करिन। बालवाड़ी योजना के माध्यम ले लइका मन सीखे बर प्रोत्साहित होहीं अऊ ओ मन ल स्कूल के माहौल बर तियार करे जा सकही। लइका मन बर हर बालवाड़ी म आंगनबाड़ी सहायिका के अकतहा संबद्ध प्राथमिक शाला के एक सहायक शिक्षक के घलोक तैनाती करे जाही अऊ एखर बर सहायक शिक्षक ल हर महिना 500 रुपए के अकतहा मानदेय घलोक प्रदान करे जाही।
ये बेरा म कृषि, जल संसाधन, पंचायत अऊ गांवीण विकास मंत्री श्री रविंद्र चौबे, मुख्यमंत्री के सलाहकार श्री प्रदीप शर्मा , प्रमुख सचिव स्कूल शिक्षा डॉ आलोक शुक्ला, कृषि उत्पादन आयुक्त डॉ. कमलप्रीत सिंह,सचिव स्कूल शिक्षा डॉ एस भारती दासन, विशेष सचिव कृषि डॉ.अयाज़ तंबोली,पूरा शिक्षा प्रबंध संचालक श्री नरेन्द्र दुग्गा एवम् आन वरिष्ठ अधिकारी उपस्थित रहिन।
