आदिवासी माइलोगन म रेशम पालन ले थामीन कमाई के डोर : अबड़े लगन अउ मेहनत ले सीखीन कोसा ले धागा निकाले कला

रइपुर, 26 जुलाई 2021 सम्मार। नक्सल प्रभावित दंतेवाड़ा जिला म अब रेशम के डोर ले आदिवासी माइलोगन म खुशी के ठिकाना खोजत हे। जिला के गीदम ब्लॉक के नानकुन गांव बिंजाम के माइलोगन मन कोसा ले धागा निकाले की कला सीखके अपन कमई के स्रोत ल बढ़ावत हवय अउ जीवनस्तर ल बेहतर करके आत्मनिर्भर बनत हवय। विशेष केन्द्रीय सहायता अउ केन्द्रीय क्षेत्रीय योजना मद अन्तर्गत 4 लाख 37 हजार 5 सौ रूपिया के लागत ले ग्राम बिंजाम म 15 परिवार के हितग्राही मन ल कुल 10 नग बुनियादी रीलिंग मशीन अउ 5 नग कताई मशीन देहे गे हे। ये 15 हितग्राही परिवार के माइलोगन मन ल मशीन के संग-संग 15 दिन रीलिंग अउ कताई बूता बर कौशल विकास प्रशिक्षण तको देहे गे हे । वर्तमान म इमन कोसाफ ले धागाकरण करके रेशम धागा रील्ड यार्न अउ घीचा यार्न के उत्पादन करत हावय। जेला वोमन व्यापारी मन ल बेंचके आर्थिक आमदनी पावत हे।