मुख्यमंत्री श्री भूपेश बघेल ले सूरजपुर के आदिवासी समाज के प्रतिनिधि मण्डल ह करिन सौजन्य मुलाकात

रायपुर, मुख्यमंत्री श्री भूपेश बघेल ले काली ऊंखर निवास कार्यालय म सूरजपुर जिला के आदिवासी समाज के प्रतिनिधि मण्डल ह सौजन्य मुलाकात करिस। उमन सूरजपुर म आदिवासी समाज के सामाजिक भवन बर जमीन देहे खातिर मुख्यमंत्री के प्रति आभार प्रकट करिन। प्रतिनिधि मण्डल ह सूरजपुर म 8 मई के आयोजित होवईया आदिवासी समाज के सम्मेलन म मुख्य अतिथि के रूप म सामिल होए के नेवता मुख्यमंत्री ल दीन। श्री बघेल ह नेवता बर ओ मन ल धन्यवाद देवत कार्यक्रम के सफलता बर शुभकामना दीन।
प्रतिनिधि मण्डल म राज्य अनुसूचित जनजाति आयोग के अध्यक्ष श्री भानुप्रताप सिंह, सदस्य श्री अमृत टोप्पो, सर्वश्री मोहन सिंह टेकाम, नितिन तिर्की, उदय पंडो, रामलखन सिंह, संतोष पावले, किशुन सिंह, श्रीमती विमला सिंह मरावी (सरपंच पाटन), श्रीमती हेमन्ती सिंह, श्रीमती शमिला सिंह, कुमारी दीपा सिंह, श्रीमती राजमति सिंह संग समाज के बहुत अकन पदाधिकारी अऊ सदस्य सामिल रहिन।