तिरंगा यात्रा म सामिल होइन मंत्री कवासी लखमा, कहिन कि हमर आन-बान-शान हे तिरंगा

सुकमा, भारत के आजादी के अमृत महोत्सव के तहत स्वतंत्रता के 75वां वर्षगांठ म हर घर तिरंगा अभियान ल सफल बनाए बर 223 वीं वाहिनी के केन्द्रीय रिजर्व पुलिस बल कोति ले दोरनापाल ले सुकमा तक रैली के आयोजन करे गीस। ये रैली म छत्तीसगढ़ के आबकारी अऊ उद्योग मंत्री श्री कवासी लखमा ह सामिल हो के तिंरगा लहराइन। ये दौरान मंत्री श्री लखमा ह सबो ल स्वतंत्रता के 75वां वर्षगांठ के अग्रीम बधाई दीन। उमन कहिन के तिरंगा झण्डा हमर ताकत हे अऊ ये हमर आन, बान, शान हे । उमन जवान मन के हौसला घलोक अफजाई करिन।