राज्य के आकांक्षी जिला मन म सामिल बस्तर संभाग के सबो जिला मन के विकास बर बनही कार्ययोजना

रायपुर, मुख्य सचिव श्री आर. पी. मण्डल ह पाछू दिनन म मंत्रालय महानदी भवन म राज्य के आकांक्षी जिला मन म सामिल बस्तर संभाग आयुक्त अऊ सात जिला मन के कलेक्टर, मुख्य कार्यपालन अधिकारी जिला पंचायत, महिला अऊ बाल विकास अधिकारी अऊ मुख्य स्वास्थ्य अधिकारी मन के बैठक लीन। बैठक म आकांक्षी जिला मन के विकास ले संबंधित महत्वपूर्ण सूचकांक मन म अपेक्षित सुधार लाय जरूरी मार्गदर्शन देहे गीस अऊ सबो विभाग मन ल लक्ष्य निरधारित करके अभियान के रूप म कार्ययोजना के क्रियान्वयन करे के निर्देश देहे गीस। श्री मण्डल ह कलेक्टर मन ले कहिन हे कि आकांक्षी जिला मन के विकास संबंधी मापदण्ड मन के प्रगति के जानकारी खुद प्रधानमंत्री कोति ले वीडियो कॉन्फ्रेंसिंग के माध्यम ले लेहे जाथे। बस्तर संभाग के सबो जिला मन म विशेष कार्ययोजना बनाके मिशन मोड म काम करे के निर्देश प्रधानमंत्री कोति ले देहे गे हे। श्री मण्डल ह कुपोषण मुक्ति, स्वास्थ्य, शिक्षा, आजीविका, ग्रामीण विकास संग आन जरूरी विषय मन म विशेष अऊ प्रभावकारी रणनीति बनाके ओखर क्रियान्वयन करे के जिम्मेदारी संबंधित विभाग के सचिव अऊ कलेक्टर मन ल दिए हें।