आकार-2023’ के आयोजन- गोदना आर्ट, केनवाश पेंटिंग, बोनसाई आर्ट म दिए जाथ हे प्रशिक्षण

400 ले जादा प्रशिक्षणार्थी लेवत हे ट्रेनिंग
अनाथ अउ दिव्यांग लईका मन ल निःशुल्क प्रशिक्षण
प्रशिक्षणार्थी स्व-रोजगार अपना के बनही आत्मनिर्भर
रायपुर, संस्कृति विभाग कती ले पारंपरिक कला म आयोजित प्रशिक्षण शिविर आकार-2023 म युवा, लईका अउ बुजुर्ग उत्साह के संग प्रशिक्षण लेवत हे। प्रशिक्षण शिविर म 400 ले जादा प्रशिक्षणार्थी अलग-अलग विधा म प्रशिक्षण प्राप्त करत हे। प्रशिक्षण म अनाथ अउ दिव्यांग लईका मन ल घलो ए विधा म निःशुल्क प्रशिक्षण दिए जाथ हे। ए प्रशिक्षण ले लोगन मन ल स्व-रोजगार के माध्यम ले आत्मनिर्भर बने के अवसर मिलही।
गौरतलब हे कि राज्य सरकार कती ले पारंपरिक शिल्प अउ कला के संरक्षण, प्रचार-प्रसार, जागरूकता अउ लोग मन म एकर प्रति रूचि जागृत करे के उद्देश्य ले हर बछर प्रशिक्षण शिविर के आयोजन करे जाथ हे। ए बछर घलो ‘पारंपरिक शिल्प एवं विविध कला प्रशिक्षण शिविर आकार-2023’ के आयोजन रायपुर के सिविल लाइन स्थित महंत घासीदास स्मारक संग्रहालय परिसर म 01 मई ले सुरू होए हे। प्रशिक्षण कार्यक्रम 19 मई तक चलही।
संस्कृति विभाग के अधिकारी ह बतइस कि विभाग कती ले वर्ष 2005 ले आकार प्रशिक्षण कार्यक्रम चलाए जाथ हे। प्रदेश के जम्मो संभागीय मुख्यालय म घलो प्रशिक्षण शिविर के आयोजन करे जाथ हे।