अम्बिकापुर म नरवा ट्रीटमेंट ले केंदली नाला ल मिलीस नवजीवन

अम्बिकापुर, नरवा ट्रीटमेंट ले अब केंदली नाला ल नवजीवन मिले हे जेखर से जल स्त्रोत्र बाढ़े हे अऊ किसान मन ल दू फसली खेती बर सिंचाई के सुविधा मिलत हे।
सीतापुर विकासखण्ड के ग्राम एरण्ड म बोहइया केंदली नाला (लंबाई 12 किलोमीटर) ल नरवा उत्थान बर चुने गए रहिस जेन म महात्मा गांधी नरेगा ले बोल्डर चेकडेम निर्माण 24 नग, गली प्लग निर्माण 71 नग, डबरी निर्माण काम के 06 नग, कच्ची नाली निर्माण काम 04 नग, रिचार्ज पिट म 260 नग, मेड़बंधी के 02 नग काम पास करके ड्रेनेज ट्रीटमेंट अउर कैचमेंट ट्रीटमेंट करके नरवा ल पुर्नजीवन दे गीस। काम पूरा होए म ये नाला अब फरवरी-मार्च तक बोहात हे। पहिली ये मां अकटूबर महिना तक ही पानी रहय। नाला म ट्रीटमेंट काम होए ले आस-पास के क्षेत्र के जलस्तर म बढ़ोतरी होए हे अऊ खेत मन म नमी घलोक बाढ़े हे। किसान मन ल अपन खेती बर अब समय म पानी मिले ले रबी के खेती म सिंचाई के सुविधा बाढ़े हे संगेच मवेसी मन ल पानी पीए के सुविधा घलोक मिले हे।