जगदलपुर, मुख्यमंत्री श्री भूपेश बघेल ह अपन बस्तर प्रवास के समय साल 1921 म स्थापित आमचो बस्तर क्लब के अवलोकन करके क्लब के गतिविधि मन के बारे म जानकारी लीन। ये मौका म उमन बिलियर्ड्स म घलोक हाथ आजमाइन। उहें विजिटर्स बुक म मुख्यमंत्री ह संदेश लिखिन। मुख्यमंत्री श्री भूपेश बघेल ह ये बेरा म मांझी-चालकी, मेंबर-मेंबरिन अऊ बस्तर दशहरा पर्व के पारंपरिक सदस्य मन के संग मंझनिया के भोजन करिन। जेमां उमन बस्तर के पारंपरिक व्यंजन के संग सैगोड़ा, उड़द दाल बड़ा अउ बंगाला चटनी के स्वाद लीन।
ये बेरा म अध्यक्ष बस्तर क्षेत्र आदिवासी विकास प्राधिकरण श्री लखेश्वर बघेल, संसदीय सचिव श्री रेखचंद जैन, अध्यक्ष छत्तीसगढ़ हस्तशिल्प विकास बोर्ड श्री चंदन कश्यप, उपाध्यक्ष बस्तर क्षेत्र आदिवासी विकास प्राधिकरण श्री विक्रम मंडावी, अध्यक्ष मछुआ कल्याण बोर्ड श्री एम.आर.निषाद, अध्यक्ष छत्तीसगढ़ अक्षय ऊर्जा विकास अभिकरण श्री मिथिलेश स्वर्णकार, विधायक चित्रकोट श्री राजमन बेंजाम, विधायक कोंडागांव श्री मोहन मरकाम, महापौर श्रीमती सफीरा साहू, सभापति नगर पालिक निगम श्रीमती कविता साहू संग कमिश्नर बस्तर श्री श्याम धावड़े, पुलिस महानिरिक्षक श्री सुंदरराज पी, बस्तर कलेक्टर श्री चंदन कुमार, वरिष्ठ पुलिस अधीक्षक श्री जितेंद्र मीणा संग आन अधिकारी, क्षेत्र के जनप्रतिनिधि अउ पंचायत पदाधिकारी मौजूद रहिन।
मुख्यमंत्री श्री भूपेश बघेल ह आमचो बस्तर क्लब के करिन अवलोकन
