रामगढ़, मुंगेली म समाज कल्याण विभाग ह 39.14 लाख रुपय के लागत से खनिज न्यास मद अउ निराश्रित निधि ले वृद्धाश्रम भवन निर्माण करे हे। येखर उदघाट्न विधायक पुन्नूलाल मोहले, जिला कलेक्टर, समाजकल्याण विभाग के उप संचालक, नगरपालिका अध्यक्ष के द्वारा करे गे हे। अभी ग्राम भाटा भुरका, बिल्हा बिलासपुर, पुरान, झोंका, जरहगाव, तखतपुर, झझपुरी अउ मुंगेली ले 10 हितग्राही बुजुर्ग महिला- पुरुष मन आश्रम म निवास करत हावंय। एमन के खाय पिये, रहे, पिंधे ओढ़े के पूरा व्यवस्था करे जात हे। देखभाल बर प्रबंधक तेज राम ध्रुव, नर्स पुरुषोत्तम साहू, सामाजिक कार्यकर्ता शनि कुमार, रसोइया अउ सफाई करइया नियुक्त करे गए हे। सियान मन के देखइया पहिली कोनो नई रहीन अब छतीसगढ़ सरकार के पहल म जन-जन ला फायदा मिलत हे।
– मुंगेली ले संवाददाता दिलीप बसंत के रिपोर्ट
