आंगनबाड़ी केन्द्र म लइका मन ल मिले लगिस प्ले स्कूल जइसन माहौल शाला पूर्व अनौपचारिक शिक्षा के दिखे लगिस असर

रायपुर, आंगनवाड़ी केंद्रों म 3 ले 6 साल के लइका मन बर चलाए जात शाला पूर्व अनौपचारिक शिक्षा (संस्कार अभियान) के असर दिखे लगे हे। महिला अऊ बाल विकास विभाग कोति ले सरलग करे जात उदीम मन ले आंगनबाड़ी केंद्र अब प्ले स्कूल के रूप लेहे लगे हे। लइका मन के शारीरिक, मानसिक, बौद्धिक अऊ भाषायी विकास बर रोजेच 4 ले 5 घंटा अलग-अलग खेल, बालगीत, कहानी के संगें-संग चित्रकारी, मिट्टी के खेलौना बनाना, रोज मर्रा के अनुपयोगी चीज मन जइसे अखबार, गत्ता आदि ले बेस्ट ऑउट ऑफ वेस्ट के तर्ज म खेलौना तियार करना सिखाए जात हे। लइका मन के रुचि अब रचनात्मक अऊ कलात्मक गतिविधि मन कोति बाढ़े लगे हे। जेखर से आंगनवाड़ी केंद्र मन म लइका मन के उपस्थिति म बढ़ोत्तरी होवत हे। आंगनवाड़ी केंद्र म आए ये बदलाव ले अब पालक अऊ लइका मन के केंद्र के जुड़ाव बाढ़त हे। संगेच बाल सुलभ वातावरण म लइका मन के भरपूर विकास होवत हे।