आंगनबाड़ी केन्द्र म नान्हे लइका मन के शिक्षा बर अधिकारी मन ह करिस स्मार्ट टीवी दान

राजनांदगांव, कलेक्टर श्री डोमन सिंह के पहल म आंगनबाड़ी केन्द्र मन म नान्हे लइका मन के अच्छा शिक्षा अऊ ऊंखर मनोरंजन बर जनप्रतिनिधि, समाज सेवक अऊ अधिकारी मन ह स्मार्ट टीवी दान म देवत हें। ये कड़ी म कलेक्टर श्री डोमन सिंह ल कलेक्टोरेट सभाकक्ष म उप संचालक कृषि श्री नागेश्वर लाल पाण्डे, सहायक संचालक कृषि श्री टीकम सिंह ठाकुर ह 4 स्मार्ट टीवी, जिला पंजीयक श्रीमती प्रियंका श्रीरंगे ह एक स्मार्ट टीवी, उप संचालक समाज कल्याण श्री बीएल ठाकुर ह एक स्मार्ट टीवी, श्रम पदाधिकारी श्रम विभाग श्री आरके प्रधान ह एक स्मार्ट टीवी, महाप्रबंधक जिला व्यापार अऊ उद्योग केन्द्र श्री वासनिक ह एक स्मार्ट टीवी, खाद्य अधिकारी श्री भूपेन्द्र मिश्रा ह एक स्मार्ट टीवी, ग्रामीण यांत्रिकी सेवा के कार्यपालन अभियंता श्री एसएस घोष ह एक स्मार्ट टीवी, सहायक अभियंता विद्युत यांत्रिकी लोक निर्माण विभाग श्री जितेन्द्र राजपाली ह एक स्मार्ट टीवी आंगनबाड़ी केंद्र बर दान म दीन।
स्मार्ट टीवी के उपयोग आंगनबाड़ी केंद्र म पढ़इया लइका मन के अध्ययन बर उपयोग म लाए जाही। कलेक्टर श्री सिंह ह ये काम बर अधिकारी मन ल सहराइन अऊ उन मन ल शॉल अऊ श्रीफल देके सम्मानित करिन।