आंगनवाड़ी म चुरे खिचरी के खुशबू म मोहा गे मुख्यमंत्री

कांकेर, भेंट मुलाकात कार्यक्रम के बेरा म कांकेर विधानसभा क्षेत्र के बादल गांव के आंगनवाड़ी केंद्र के जांच करत मुख्यमंत्री श्री भूपेश बघेल लइका मन बर पकाए गए खिचड़ी के खुशबू म म मोहा गए। जांच करत खानी श्री बघेल ये देखे बर सीधा रंधनी म पहुंच गे के कार्यकर्ता-सहायिका मन ह आज लइका मन बर का चुरोए हें। उमन जब गैस चूल्हा म कूकर चढ़े देखिन त आगू बढ़के खुदे ओखर ढक्कन खोल लीन। खिचड़ी के रंग-रूप अऊ खुशबू उपर मोहाए श्री बघेल ह एखर तारीफ तो करबे करिन, उहां मौजूद मनखे मन ल घलोक देखाइन के कतेक खुशबूदार खिचरी बने हे।
दरअसल, राज्य म चलत मुख्यमंत्री सुपोषण अभियान म आंगनवाड़ी केंद्र महत्वपूर्ण भूमिका निभावत हे। ए केंद्र मन के माध्यम ले लइका, किशोरी अऊ गर्भवती माता मन ल पोषक आहार देहे जाथे। मुख्यमंत्री ह आहार के गुणवत्ता परखे बर रसोई के जांच करे रहिन।