रइपुर, 25 मार्च 2021
छत्तीसगढ़ शासन के राजस्व अउ आपदा प्रबंधन विभाग कोति ले कइयो ठिन जिला मन म प्राकृतिक आपदा ले पीड़ित मन ल जिला कलेक्टर के माध्यम ले आर्थिक सहायता स्वीकृत करे जाथे। प्रदेश के बेमेतरा, जांजगीर-चांपा अउ जशपुर जिला म अइसन 9 प्रकरण मन म 36 लाख रूपिया के आर्थिक सहायता स्वीकृत करे गे हवय।
राजस्व पुस्तक परिपत्र के प्रावधान मन के अनुसार बेमेतरा जिला के बेमेतरा तहसील के ग्राम सांवतपुर के यशोदा निषाद, ग्राम बहुनवागांव के भीखम गायकवाड़ अउ ग्राम मजगांव के रितु साहू के मउत आगी म जले ले होए अउ ग्राम बहुनवगांव के मीना वर्मा के मउत सांप चाबे ले होए केे सेति मृतक के पीड़ित परिजन मन ल चार-चार लाख रूपिया के आर्थिक सहायता बस्वीकृत करे गे हवय। इही किसम ले जांजगीर-चांपा के तहसील अकलतरा के गांव कोटमीसोनार के वृहस्पति बाई केंवट के आगी म जले ले, तहसील मालखरौद के गांव चांटीपाली के नूतन साहू अउ गांव पिरदा के रोहित कुमार के मउत सांप चाबेे ले होए के सेति मृतक के पीड़ित परिजन मन ल चार-चार लाख रूपिया के आर्थिक सहायता स्वीकृत करे गे हवय। जशपुर जिला के तहसील दुलदुला के गांव विपतपुर के रोहित राय के पानी म बुड़े अउ मनोरा तहसील के रहवइया रजनी भगत के मृत्यु आगी म जले ले मृतक के पीड़ित परिजन मन ल चार-चार लाख रूपिया के आर्थिक सहायता स्वीकृत करे गे हवय।
आपदा पीड़ित मन ल 36 लाख रूपिया के सहायता
