मंत्रिपरिषद के बइठका म दे गीस सहायक आरक्षक मन बर बड़का सौगात
रइपुर, दिनांक 14 जुलाई 2022
मुख्यमंत्री दाऊ भूपेश बघेल के अध्यक्षता म आज उन्कर घरू कार्यालय म मंत्रिपरिषद के बइठका होइस, जेमा अइसन किसम के महत्पूर्ण निर्णय लिए गीस।
प्रदेश म स्वीकृत सहायक आरक्षक के पद मन ल समाप्त करके डिस्ट्रिक्ट स्ट्राईक फोर्स संवर्ग के सृजन के स्वीकृति के प्रस्ताव के अनुमोदन करे गीस। येकर ले पुलिस विभाग के सहायक आरक्षक मन के वेतन संबंधी विसंगति ल दूर होही अउ प्रदेश के सब्बो सहायक आरक्षक मन ल नियमित वेतनमान मिलही।
स्थानांतरण नीति 2022 के परिपेक्ष्य म ये निर्णय लिए गे हे कि ये संबंध म मंत्रिमंडलीय उप समिति के गठन करे जाही, जेकर सुझाव/अनुशंसा के आधार म माननीय मुख्यमंत्री के अनुमोदन प्राप्त करे जाही।
प्रथम अनुपूरक अनुमान बछर 2022-2023 के विधान सभा म उपस्थापन बर छत्तीसगढ़ विनियोग विधेयक, 2022 के प्ररूप के अनुमोदन करे गीस।
विधान सभा के माननीय अध्यक्ष, उपाध्यक्ष, नेता प्रतिपक्ष अउ सदस्य मन के वेतन अउ भत्ता संशोधन विधेयक 2022 के प्रारूप के अनुमोदन करे गीस।
छत्तीसगढ़ मंत्री (वेतन तथा भत्ता) अधिनियम, 1972 म संशोधन विधेयक, 2022 के प्रारूप के अनुमोदन करे गीस।
माननीय मुख्यमंत्री के स्वेच्छानुदान मद में प्रावधानित वार्षिक राशि 40 करोड रूपिया के सीमा ल बढ़ाके 70 करोड़ रूपिया करे के प्रस्ताव के अनुमोदन करे गीस।
क्षेत्र संयोजक लेे मुख्य कार्यपालन अधिकारी, जनपद पंचायत के पद म पदोन्नति बर न्यूनतम कालावधि 05 बछर म 06 महीना के छूट देहे के प्रस्ताव के अनुमोदन करे गीस।
बछर 2022-23 बर आबकारी राजस्व लक्ष्य अउं गौठान के विकास अउ आने विकास गतिविधि मन बर उपराहा राशि के आवश्यकता के प्रतिपूर्ति बर ‘‘अतिरिक्त आबकारी शुल्क‘‘ म बढ़ौतरी करे के प्रस्ताव के अनुमोदन करे गीस।
विघटित परिवहन निगम के अधिकारी -करमचारी मन के असामयिक मृत्यु होए म आश्रित परिवार के सदस्य ल अनुकम्पा नियुक्ति देहे के प्रक्रिया म आवश्यक संशोधन करे गीस।
छत्तीसगढ़ भू-जल (प्रबंधन और विनियमन) विधेयक-2022 ,( Chhattisgarh Ground water (Management and Regulation) Bill, 2022) के प्रस्ताव के अनुमोदन करे गीस।
छत्तीसगढ़ राज्य गठन के पहिली अउ पीछु मोटरयान मन उपर बकाया कर के एकमुश्त निपटान योजना-2020 (One Time Settlement ) के मियाद अवधि एक अप्रैल 2022 ले माह मार्च 2023 तक बढ़ाए के प्रस्ताव के अनुमोदन करे गीस।
अपै्रल 2020 ले मार्च 2022 कुल 24 महीना के सिटी बस मन उपर बकाया रोड टैक्स के राशि 99.95 लाख ल छूट देहे के प्रस्ताव के अनुमोदन करे गीस।
औद्योगिक अउ आर्थिक मंदी के दुष्प्रभाव के सेति एचव्ही-4 श्रेणी के स्टील उद्योग अंतर्गत स्टेंड एलोन रोलिंग मिल ल प्रतिस्पर्धा म टिके रहे बर राज्य शासन कोति ले विशेष राहत पैकेज के अंतर्गत ऊर्जा प्रभार म 01 जुलाई 2022 ले 31 मार्च 2023 तक छूट देहे जाए के प्रस्ताव के अनुमोदन करे गीस। 15-छत्तीसगढ़ विद्युत शुल्क अधिनियम, 1949 (क्रमांक ग् सन् 1949) म अउ संशोधन विधेयक के प्रारूप के अनुमोदन करे गीस।
