मड़ई मेला गांव के बढ़ोतरी अऊ एकता के चिनहा : मंत्री डॉ. डहरिया

रायपुर, 10 फरवरी 2021। नगरीय प्रशासन मंत्री अऊ आरंग क्षेत्र के विधायक डॉ. शिवकुमार डहरिया आरंग विकासखण्ड़ के ग्राम तुलसी अऊ लखौली म आयोजित मड़ई मेला अऊ विकास काम मन के लोकार्पण कार्यक्रम म सामिल होइन। ये बेरा म उमन कहिन कि मड़ई मेला गांव म खुसी अऊ समृद्धि के संग एकता के चिनहा हे। मड़ई मेला के माध्यम ले छत्तीसगढ़ के संस्कृति ल सहेजे के काम होवत हे। राज्य सरकार घलोक छत्तीसगढ़ के संस्कृति, परम्परा ल सहेजे के काम करत हे। छत्तीसगढ़ी संस्कृति ल बढ़ावा देहे के संग इहां के तीज-तिहार म शासकीय अवकाश देहे के शुरूआत करे गए हे। नौकरी म घलोक स्थानीय मनखे मन ल अवसर देहे जात हे। उमन कहिन कि गांव म मड़ई मेला खुसी अउ उछाह के तिहार ये। गांव के मनखे आपसी-भाईचारा के बीच ये मेला ल आयोजित करके मनाथें।
सभा ल जनपद अध्यक्ष श्री खिलेश देवांगन, नगर पालिका अध्यक्ष श्री चंद्रशेखर चंद्राकर, जिला पंचायत सदस्य केशरी मोहन साहू, जनपद सदस्य योगेन्द्र याद साहू, शिवकुमार साहू, कोमल साहू, श्री आजू राम वंशे, सरपंच श्रीमती पदेश धु्रव, श्रीमती केशरी बाई चंद्राकर ,श्री द्वारिका साहू संग आन जनप्रतिनिधि उपस्थित रहिन।