जब सांकुर गली म नइ जा पाइय कार त मंत्री डॉ. डहरिया स्कूटी चलात पंहुचिन मनखे मन के दुवार

रायपुर, 2 मार्च 2021। अपन विधानसभा क्षेत्र आरंग म नगरीय प्रशासन अऊ विकास अऊ श्रम मंत्री डॉ शिवकुमार डहरिया आए दिन विकास काम मन के लोकार्पण, भूमिपूजन अऊ मनखे मन के सुख-दुख के कार्यक्रम मन म संघरत रहिथें। अइसे कोनो हफ्ता नइ रहय, जेमां उमन अपन क्षेत्र के दौरा न करंय या कार्यक्रम नइ होवय। भले कतको भारी व्यस्तता हो, समय कम हो, रात जादा हो जाय, ओ मन कुछु परवाह नइ करयं अऊ दूसर, तीसर दिन अपन आरंग विधानसभा के कोनो न कोनो गांव म कोनो न कोनो के कार्यक्रम म पहुंची जाथें। आरंग के कार्यालय म जनदर्शन कार्यक्रम तको करथें। अपन क्षेत्र के मनखे मन ले मिलत प्यार अऊ स्नेह के नतीजा हे के ओ मन अपन क्षेत्र के रहवईया मन ल भेंट देहे घलो नइ भूलयं। मंत्री डॉ. डहरिया ये क्षेत्र म अक्सर कार म आत-जात दिखथें, फेर आज जब क्षेत्र के मनखे मन ह मंत्री डॉ. डहरिया ल कार के जगा स्कूटी चलात सादगी के संग अपन घर के आगू ले जात देखिन त सबो ल अचरज होईस। उदुपहा स्कूटी म चलत अपन क्षेत्र के विधायक ल पाके मनखे मन ह अड़बड़ सहराइन अऊ कहिन के मंत्री होवय त शिवकुमार डहरिया जइसे।