मुख्यमंत्री श्री साय अखिल भारतीय निर्धन दिव्यांग सामूहिक आदर्श विवाह समारोह म सामिल होइन

दुर्ग, 16 जून 2024/ मुख्यमंत्री श्री विष्णु देव साय आज अखिल भारतीय निर्धन दिव्यांग सामूहिक आदर्श विवाह समारोह म बतौर मुख्य अतिथि सामिल होइन। दुर्ग के अग्रसेन भवन म समाजसेवी संस्था आस्था बहुउद्देशीय कल्याण संस्थान कोति ले आयोजित ए सामूहिक आदर्श विवाह म सबो समाज के 250 दिव्यांग जोड़ा परिणय सूत्र म बंधांइन। समारोह म छत्तीसगढ़, मध्यप्रदेश, महाराष्ट्र, उड़ीसा, झारखंड के अलावा आन राज्य के दिव्यांगजन सामिल होइन। मुख्यमंत्री श्री विष्णु देव साय अउ आन अतिथि मन ह परिणय सूत्र म बंधे दिव्यांग नव दंपत्ति मन ल ऊंखर सुखमय दाम्पत्य जीवन बर आशीर्वाद दीन। समारोह म सांसद श्री विजय बघेल, विधायक श्री ललित चंद्राकर अऊ नगर निगम दुर्ग के महापौर श्री धीरज बाकलीवाल घलोक मौजूद रहिन।