रायपुर 1 फरवरी 2021। मुख्यमंत्री श्री भूपेश बघेल ह सुकमा जिला के कुम्हाररास स्थित स्वामी आत्मानंद शासकीय उत्कृष्ट अंगरेजी माध्यम विद्यालय के लोकार्पण करिन। ये बेरा म उमन पढ़ईया लईका, पालक अऊ शिक्षक मन ले चर्चा करिन अऊ विद्यालय म अध्ययन- अध्यापन अऊ सुविधा मन के जानकारी लीन।
मुख्यमंत्री श्री बघेल ह स्कूल के क्लासरूम, वाचनालय, स्मार्ट क्लास, प्रयोगशाला संग खेलकूद जोन, कला अऊ संस्कृति संग अलग-अलग कुरिया मन म जाके पढ़ईया लईका अऊ शिक्षक मन ले चर्चा करिन। उमन अभी हाल समय म अइसन उत्कृष्ट विद्यालय मन के जरूरत ल प्रासंगिक अऊ अनुकूल बताइन। मुख्यमंत्री ह स्कूल के दीवार मन म करे गए रचनात्मक अऊ आकर्षक चित्रकारी के सराहना करिन। विद्यालय के नवमीं कक्षा के छात्र मयंक शाह अऊ दसवीं कक्षा के छात्रा प्रीति सेठिया ह मुख्यमंत्री ल स्वामी आत्मानंद उत्कृष्ट अंगरेजी माध्यम स्कूल भवन संग इहां उपलब्ध सुविधा मन के अवलोकन कराइन।
ये बेरा म जिला के प्रभारी मंत्री श्री जयसिंह अग्रवाल, उद्योग मंत्री श्री कवासी लखमा, सांसद श्री दीपक बैज, कोंडागांव विधायक श्री मोहन मरकाम, बस्तर क्षेत्र विकास प्राधिकरण के अध्यक्ष श्री लखेश्वर बघेल चित्रकोट विधायक श्री राजमन बेंजाम, अक्षय ऊर्जा विकास प्राधिकरण के अध्यक्ष श्री मिथिलेश स्वर्णकार,जिला पंचायत के अध्यक्ष श्री हरीश कवासी, नक्सल ऑपरेशन के अकतहा महानिरीक्षक श्री अशोक जुनेजा, कमिश्नर श्री जीआर चुरेन्द्र, पुलिस महानिरीक्षक श्री पी सुंदरराज, मुख्य वन संरक्षक श्री मोहम्मद शाहिद, कलेक्टर श्री विनीत नंदनवार, पुलिस अधीक्षक संग स्थानीय जनप्रतिनिधि छात्र-छात्राएं, अभिभावक अऊ शिक्षक उपस्थित रहिन।
मुख्यमंत्री श्री बघेल ह स्वामी आत्मानंद शासकीय उत्कृष्ट अंगरेजी माध्यम विद्यालय के करिन लोकार्पण : पढ़ईया लईका मन अऊ शिक्षक मन ले के चर्चा
