पढ़व अउ बढ़व, अभी तुँहर कका हावय

रइपुर 25 जून 2022

मुख्यमंत्री ह स्वामी आत्मानंद स्कूल के पढ़इया लइका मन ले करिस गोठ-बात

मुख्यमंत्री मुख्यमंत्री दाऊ भूपेश बघेल ह आज अपन भेंट मुलाकात के बेरा म स्वामी आत्मानंद इंग्लिश मीडियम स्कूल फरसाबहार के पढ़इया लइका मन के स्कूल आए-जाए खातिर लउहे बस के सुविधा मिलही। ग्राम पमशाला म मुख्यमंत्री ह ये स्कूल के पढ़इया लइका मन ले मुलाकात के बेरा लइका मन के सुविधा खातिर कलेक्टर ल लउहे बस के बेवस्था करे के निर्देश दिस हवय। मुख्यमंत्री ह स्वामी आत्मानंद स्कूल के पढ़इया लइका मन ले स्कूल के गतिविधि अउ पढ़ई-लिखई के जानकारी लीन। फरसाबहार आत्मानन्द स्कूल के छात्र नूतन कुमार ह बताइस कि स्कूल म बने पढई होवत हावय।
स्कूल म लैब अउ लाइब्रेरी आदि के जम्मो सुविधा हवय। स्कूल म अभीन 500 लइका पढ़ई करत हावयं। लइका मन ह स्कूल दूिरहा होए के सेति बस सुविधा के मांग करीन । मुख्यमंत्री ह कलेक्टर ल बस के सुविधा उपलब्ध कराए के निर्देश दीन।