महासमुन्द कलेक्टर ह पदयात्री अभिराम सतपथी के करिन सम्मान

महासमुन्द, 19 फरवरी 2021। कलेक्टर श्री डोमन सिंह ले ओड़िसा प्रांत के झारसुगड़ा जिला के ग्राम दुर्लगा के 63 वर्षीय पदयात्री श्री अभिराम सतपथी ह कलेक्टोरेट कार्यालय परिसर म सौजन्य मुलाकात करिस। श्री सतपथी ह बताइस के ओ मन मनखे मन ल नशा सेवन ले दूर रहे अऊ हर एक दिन शारिरिक व्यायाम करे बर जागरूकता लाय के उद्देश्य ले 06 जनवरी 2021 ले देश के पदयात्रा म निकलें हे। उमन बताइन कि ओ मन निजी पावर सेक्टर म कार्यरत रहिन। सेवानिवृत्ति के बाद उमन देखिन कि बहुत अकन मनखे मन ल नशा करे के बुरी आदत हे। एखर से मनखे मन ल बचना चाही। एखर बर मनखे मन ल नियमित रूप ले शारिरिक व्यायाम करे के जरूरत हे। जेखर से मन, मस्तिष्क अऊ सेहत बढि़या रहिथे। नियमित रूप ले व्यायाम करे ले मनखे मन के मन म नशा के लत कोति झुकाव नइ होवय। उमन बताईन कि अभी तक ओ मन एक हजार 161 किलो मीटर के पदयात्रा कर चुकें हे। ओ मन 26 मार्च 2021 ले पदयात्रा करत संसद भवन नई दिल्ली पहुंचहीं। ये बेरा म कलेक्टर ह ओ मन ल पुष्प गुच्छ देके सम्मानित करिन।