रायपुर, मुख्यमंत्री श्री भूपेश बघेल ह भेंट-मुलाकात कार्यक्रम म किसान मन ल मसाहती पट्टा वितरित करिन। बीते कई बछर ले तीन पीढ़ी के एके दरद। जमीन तो हे फेर कतेक हे, कहां हे कोनो रिकॉर्ड नइ हे। खेती तो करत हें फेर केसीसी नइ होए ले लोन नइ मिल सकय। फसल हे फेर बिक्री के व्यवस्था नइ हे। अबूझमाड़ के कोहकमेटा गांव के किसान मसियाराम कोड़े होही, पंडरूराम या मोहन धनेरिया…. परेशानी सबके एके हे। अबूझमाड़ क्षेत्र म सर्वे नइ होए के सेती ए जमीन के राजस्व रिकॉर्ड म कहूं कोनो उल्लेख नइ रहिस। येकर सेती कोनो शासकीय योजना के लाभ नइ मिल पात रहिस। फेर आज अबूझमाड़ क्षेत्र के 1121 किसान मन के चेहरा म ओ बखत मुस्कान बगर गे जब मुख्यमंत्री श्री भूपेश बघेल ह छोटेडोंगर म भेंट-मुलाकात कार्यक्रम म किसान मन ल मसाहती पट्टा के वितरण करिन।
अबूझमाड़ अब नइ रहिस अबूझ
