नारायणपुर, 9 फरवरी 2021। अबूझमाड़ घलो अब देश दुनिया के संग दौड़ म शामिल होगे हे। नारायणपुर जिला म अबूझमाड़ के नाम ले जाने पहिचाने नाम अब जुन्ना गोठ ल पीछू छोड़ के विकास के दौड़ म शामिल होगे हे। इहां अब राज्य स्तर ले लेके राष्ट्रीय स्तर के खेलकूद मन के आयोजन होय बर लगे हे। अंतर्राष्ट्रीय स्तर म घलो अबूझमाड के विकास के गूंज घलो सुनाई देहे बर लगिस हे। गौरतलब हे कि मुख्यमंत्री श्री भूपेश बघेल के निर्देश म वन अधिकारपत्र धारी किसान मन ले समर्थन मूल्य म धान खरीदी गीस। राज्य सरकार द्वारा अबूझमाड़ क्षेत्र म शिक्षा, स्वास्थ्य, आवास, सड़क निर्माण म विशेष ध्यान देहे जात हे।
अबूझमाड़ म तीसरइया बार अबूझमाड़ पीस हाफ मैराथन-2021 के आयोजन 27 फरवरी 2020 के करे जात हे। ऑनलाइन पंजीयन म कुछ दिन के भीतर प्रदेश के कई जिला, दूसर राज्य अउ केन्या के धावक मन सहित लगभग 3500 ले जादा धावक मन ह ऑनलाईन पंजीयन करे हे पंजीयन के अंतिम तारीख 25 फरवरी हे। लोगन म मैराथन ल लेके अच्छा-खासा उत्साह हे। मैराथन म हिस्सा लेहे बर इच्छुक धावक वेबसाईट http://www.abujhmadmarathon2021.com डब्ल्यूडडब्ल्यूडडब्ल्यूडॉटअबूझमाड़मैराथन2021डॉटकाम के लिंक के उपयोग करके रजिस्ट्रेशन करा सकत हे। बाहर ले अवइया धावक मन बर रूके अउ भोजन के निःशुल्क व्यवस्था रही।
मैराथन दौड़ म महिला अउ पुरूष वर्ग बर अलग-अलग पुरस्कार प्रदान करे जाही। प्रथम पुरस्कार 1 लाख 21 हजार रूपिया, द्वितीय 61 हजार रूपिया, तृतीय 31 हजार रूपिया, चतुर्थ 21 हजार रूपिया अउ पंचम पुरस्कार 11 हजार रूपिया प्रदान करे जाही। संग ही 6वां ले 10वां नंबर म अवइया महिला अउ पुरूष धावक मन ल 5-5 हजार रूपिया के पुरस्कार राशि के संग प्रशस्ति पत्र अउ मेडल प्रदान करे जाही। एखर अलावा नारायणपुर जिला के महिला अउ पुरूष 10-10 धावक मन ल 5-5 हजार रूपिया के पुरस्कार राशि के संग प्रशस्ति पत्र अउ मेडल अलग ले प्रदान करे जाही।