बिलासपुर रेलवे स्टेशन म हादसा, बेपटरी होइस स्पेशल एक्सप्रेस ट्रेन, सवार यात्री बाल-बाल बचीस

बिलासपुर, 5 अक्टूबर 2020। बिलासपुर रेलवे स्टेशन के कोचिंग साइड म हादसा के खबर आवत हे। जानकारी के अनुसार हावड़ा ले अहमदाबाद बर रवाना होय स्पेशल एक्सप्रेस ट्रेन के मिल्क वेन डी-रेल होगे हे। उहें ट्रेन के जोरदार झटका के संग रूके ले यात्री मन म हड़कंप मच गे। हादसा के खबर मिलत ही मउका म रेलवे के टीम पहुचीस। उहें राहत कार्य जारी हे। बताय जावत हे कि ट्रेन के पायलट ल अंदाजा होगे कि ट्रैक म कोई दिक्कत हे अउ ओहा एमरजेंसी ब्रेक लगात हुए ट्रेन ल रोक दीस। नई तो बड़का हादसा हो सकत रिहिस। ये घटना मंझनिया करीब सवा 12 बजे के बातय जावत हे। ट्रेन हावड़ा ले अहमदाबाद जात रिहिस। ट्रेन करीब 10 मिनट देरी ले बिलासपुर पहुचे रिहिस।