दुर्ग,25 अगस्त 2020। रसमड़ा म स्थित जय बालाजी ग्रूप इण्डस्ट्रीज हादसा म 19 वर्षीय मजदूर फलेश साहू के मउत होगे। दुर्घटना के बाद मृतक ल तत्काल सुपेला स्थित अस्पताल लाय गिस जिहा डॉक्टर मन ओला मृत घोषित कर दिस। पोस्टमार्टम के बाद अंतिम संस्कार कर देहे गिस। अंजोरा पुलिस चौकी ह मामला म अपराध कायम कर जांच शुरू कर देहे हे।
बतादन कि घटना ल लेके लोगन मन तरह-तरह के सवाल करत हे कि दुर्घटना के बाद घायल मजदूर ल कम्पनी प्रबंधन ह रसमड़ा ले दुर्ग के कोनो अस्पताल म नइ ले जाके ओला सुपेला के अस्पताल म ईलाज बर लाय गिस। कोनो भी दुर्ग के अस्पताल म ले जाके जान बचाय जा सकत रिहिन। अभी तक ये मामला म कोनो भी चश्मदीद गवाह आगु नइ आए हे।
