अवैध गांजा परिवहन करत आरोपी गिरफ्तार

दुर्ग,23 जनवरी 2021। पुलिस अधीक्षक प्रशांत ठाकुर के निर्देशन म जिला म अवैध पदार्थ मन के विरुद्ध चलाए जावत अभियान म एक आरोपी पकड़ागे। अतिरिक्त पुलिस अधीक्षक दुर्ग ग्रामीण प्रज्ञा मेश्राम अउ पुलिस अनुविभागीय अधिकारी पाटन आकाश राव गिरिपुंजे के मार्गदर्शन म थाना अंडा के सहायक उपनिरीक्षक नकुल प्रसाद ठाकुर, प्रधान आरक्षक रोहित साहू, प्रधान आरक्षक कमलेश साहू, आरक्षक आशीष राजपूत, आरक्षक नितेश कुर्रे, आरक्षक रामेश्वर कोमा के द्वारा थाना अंडा म अवैध रूप ले मादक पदार्थ परिवहन करत रोहित कनौजिया उम्र 24 बछर अपन वाहन एक्टिवा क्रमांक सीजी 07 बीआर 8870 ले अवैध रूप ले लगभग 4 किलोग्राम गांजा परिवहन करत पकड़ीस। आरोपी ल गिरफ्तार करके न्यायिक रिमांड म भेजे गीस।