बिहाव के झांसा देके दुष्कर्म के आरोप, पुलिस ह आरोपी नायाब तहसीलदार ल करिस गिरफ्तार

बेमेतरा, 28 मई 2020। बिहाव के झांसा देके दुष्कर्म करे के मामला म पुलिस ह एक आरोपी ल गिरफ्तार करे हे. आरोपी बलौदाबाजार जिला के सिमगा म नायाब तहसीलदार रहिस. युवती ह आरोप लगाये हे कि आरोपी पांच बछर ले ओखर संग शारीरिक शोषण करत रहिस. अउ वो बिना बताए दूसर जगह सगाई घलो कर लिस. पीड़िता के ये रिपोर्ट म पुलिस ह तत्काल आरोपी के खिलाफ कार्रवाई करिस. पुलिस ह बताइस कि 26 मई के युवती ह बेमेतरा थाना सिटी कोतवाली म लिखित आवेदन कर रिपोर्ट दर्ज कराइस कि युवराज साहू ह वर्ष 2015 ले 19 मई 2020 तक लगातार बिहाव के झांसा देके शारीरिक संबंध बनाता रहिस. पीड़िता 2015 के पूर्व बेमेतरा म पढ़ाई करत रहिस. साल 2015 के पूर्व युवराज साहू शिक्षाकर्मी के पद म जिला बेमेतरा के ग्राम बालसमुंद अउ सिंघौरी म पदस्थ रहिस. यएखर बाद 2019 म युवराज साहू के नायब तहसीलदार के पद म चयन होगे. ओखर पोस्टिंग सिमगा जिला बलौदाबाजार म होइस. इही बीच वो सगाई कर लिस. मोला बताइस नही. पीड़िता ह बताइस कि युवराज जानत रहिस कि वो दूसर जाति के हे, एखर बाद घलो वो मोला बिहाव के झांसा देके 5 साल तक शारीरिक शोषण करत रहिस. जब मोला सगाई के जानकारी होइस त न्याय बर लड़े के बारे म सोचेव अउ शिकायत लेके थाना आये हव. ये शिकायत के आधार म पुलिस ह आरोपी युवराज के खिलाफ अपराध कर लिये हे.