नरवा विकास योजना: अचानकमार टाईगर रिजर्व के वन्यप्राणी मन के रहवास सुधार म काफी मददगार

रायपुर, अचानकमार टाईगर रिजर्व म नरवा विकास योजना के तहत भू-जल संरक्षण संबंधी संरचना मन के निर्माण वन्यप्राणी मन के रहवास सुधार आदि म काफी मद्दगार साबित होवत हे। वन अउर जलवायु बदलाव मंत्री श्री मोहम्मद अकबर के कुशल मार्गदर्शन म उहां टाईगर रिजर्व म पाछू दू बछर म 16 हजार 675 कई ठन संरचना मन के निर्माण प्रगति म हे। एमां ले अब तक 13 हजार 424 संरचना मन के निर्माण पूरा कर ले गए हे। इंकर निर्माण बर कैम्पा के वार्षिक कार्ययोजना 2019-20 अऊ 2020-21 के अंतर्गत 21 करोड़ रूपिया ले जादा के राशि स्वीकृत हे।
ये संबंध म प्रधान मुख्य वन संरक्षक अउर वन बल प्रमुख श्री राकेश चतुर्वेदी ह बताइस कि अचानकमार टाईगर रिजर्व लोरमी (बिलासपुर) म साल 2019-20 के तहत दियाबार नाला, मनियारी नाला, जैनघाट नाला, रक्षाछाक नाला अऊ सतबहिनया नाला अऊ बेंदरी नाला म 9 करोड़ 72 लाख रूपिया के स्वीकृत राशि ले 6 हजार 678 संरचना मन के निर्माण प्रगति म हे। एमां ले अब तक 5 हजार 850 संरचनाओं के निर्माण पूर्ण कर ले गए हे। एखर तहत 5 हजार 104 लूज बोल्डर चेक डेम, 1155 ब्रशवुड चेक डेम, 125 गेबियन संरचना, 25 कन्टूर ट्रेच अऊ 8 स्टॉप डेम के निर्माण करे जात हे।
अइसनहे साल 2020-21 के भाग-एक के तहत चिरकापहाड़ नाला, कन्हैया नाला, गोई नाला, छोटे ठोड़ापानी नाला, बाघदुध नाला अऊ सूखा नाला अऊ चकदा नाला म 8 करोड़ 70 लाख रूपिया के स्वीकृत राशि ले 7 हजार 35 संरचना मन के निर्माण करे जात हे। एमां अब तक 5 हजार 609 संरचना मन के निर्माण पूरा हो गए हे। एखर तहत 4 हजार 247 लूज बोल्डर चेक डेम, 2 हजार 420 ब्रशवुड चेक डेम, 48 कन्टूर ट्रेच, 4 स्टॉप डेम, 9 डबरी, 4 तालाब अऊ 5 अरदन डेम आदि के निर्माण करे जात हे।
एखर अलावा साल 2020-21 के भाग-दो के तहत अचानकमार टाईगर रिजर्व अंतर्गत बावापत्थरा नाला अऊ बारझोरी नाला म 03 करोड़ रूपिया के राशि ले 02 हजार 962 भू-जल संरक्षण संबंधी संरचना मन के निर्माण जारी हे। एमां ले अब तक 02 करोड़ 21 लाख रूपिया के राशि खरचा करके 01 हजार 965 संरचना मन ल पूरा कर ले गए हे। एखर तहत 1641 लूज बोल्डर चेक डेम, 1298 ब्रशवुड चेक डेम, 02 पारकुलेशन टैंक, 01 स्टॉप डेम, 02 डबरी अऊ 03 अरदन डेम आदि के निर्माण करे जात हे।