नरवा विकास योजना : अचानकमार टाईगर रिजर्व के जीव-जंतु के रहवास सुधार म हे अड़बड़ मददगार

रायपुर, अचानकमार टाईगर रिजर्व म नरवा विकास योजना के तहत भू-जल संरक्षण संबंधी संरचना मन के निर्माण जंगल म रहवईया जीव-जंतु के रहवास सुधार आदि म अड़बड़ मद्दगार साबित होवत हे। मुख्यमंत्री श्री भूपेश बघेल के मंशा के मुताबिक वन अउ जलवायु बदलाव मंत्री श्री मोहम्मद अकबर के कुशल मार्गदर्शन म उहां टाईगर रिजर्व म पाछू दू बछर म 16 हजार 675 संरचना मन के निर्माण प्रगति म हे। एमां ले अब तक 13 हजार 424 संरचना मन के निर्माण पूरा कर ले गए हे। एकर निर्माण बर कैम्पा के वार्षिक कार्ययोजना 2019-20 अऊ 2020-21 के अंतर्गत 21 करोड़ रूपिया ले जादा के राशि स्वीकृत हे।
ये संबंध म प्रधान मुख्य वन संरक्षक अउ वन बल प्रमुख श्री राकेश चतुर्वेदी ह बताइस के अचानकमार टाईगर रिजर्व लोरमी (बिलासपुर) म साल 2019-20 के तहत दियाबार नाला, मनियारी नाला, जैनघाट नाला, रक्षाछाक नाला अऊ सतबहिनया नाला अऊ बेंदरी नाला म 9 करोड़ 72 लाख रूपिया के स्वीकृत राशि ले 6 हजार 678 संरचना के निर्माण प्रगति म हे। एमां ले अब तक 5 हजार 850 संरचना मन के निर्माण पूरा कर ले गए हे। एखर तहत 5 हजार 104 लूज बोल्डर चेक डेम, 1155 ब्रशवुड चेक डेम, 125 गेबियन संरचना, 25 कन्टूर ट्रेच अऊ 8 स्टॉप डेम के निर्माण करे जात हे।
अइसनहे साल 2020-21 के भाग-एक के तहत चिरकापहाड़ नाला, कन्हैया नाला, गोई नाला, छोटे ठोड़ापानी नाला, बाघदुध नाला अऊ सूखा नाला अऊ चकदा नाला म 8 करोड़ 70 लाख रूपिया के स्वीकृत राशि ले 7 हजार 35 संरचना मन के निर्माण करे जात हे। एमां अब तक 5 हजार 609 संरचना मन के निर्माण पूरा हो गए हे। एखर तहत 4 हजार 247 लूज बोल्डर चेक डेम, 2 हजार 420 ब्रशवुड चेक डेम, 48 कन्टूर ट्रेच, 4 स्टॉप डेम, 9 डबरी, 4 तालाब अऊ 5 अरदन डेम आदि के निर्माण करे जात हे।
एखर अलावा साल 2020-21 के भाग-दो के तहत अचानकमार टाईगर रिजर्व अंतर्गत बावापत्थरा नाला अऊ बारझोरी नाला म 03 करोड़ रूपिया के राशि ले 02 हजार 962 भू-जल संरक्षण संबंधी संरचनाओं के निर्माण जारी हे। एमां ले अब तक 02 करोड़ 21 लाख रूपिया के राशि व्यय करके 01 हजार 965 संरचना मन ल पूरा कर ले गए हे। एखर तहत 1641 लूज बोल्डर चेक डेम, 1298 ब्रशवुड चेक डेम, 02 पारकुलेशन टैंक, 01 स्टॉप डेम, 02 डबरी अऊ 03 अरदन डेम आदि के निर्माण करे जात हे।