रायपुर, 19 जून 2024। वन अउ जलवायु बदलाव मंत्री श्री केदार कश्यप ह आज नवा रायपुर स्थित नंदनवन जू अउ सफारी के दौरा करिन। भ्रमण के समय उमन नंदनवन जू अउ सफारी Nandanvan Zoo and Safari ले चीतल ल अचानकमार टाईगर रिजर्व Achanakmar Tiger Reserve, लोरमी, बिलासपुर ट्रांसलोकेट करे बर रेस्क्यू वाहन ल हरी झंडी देखा के रवाना करिन। जंगल सफारी ले कुल 150 हिरण ल अचानकमार टाइगर रिज़र्व म छोड़े के अनुमति मिले हे। उही कड़ी म आज पहली पइत कुल 42 चीतल ल रवाना करे गीस। वन मंत्री श्री कश्यप ह नंदनवन जू अउ सफारी के उदीम ल सहराईन अऊ अचानकमार म प्रे-बेस बढ़ाए के दिशा म एला महत्वपूर्ण कदम बताइन।
मंत्री श्री कश्यप ह चीतल मन के स्थानांतरण के संदर्भ म कहिन कि वन्यजीव मन के सुरक्षा अउ आवास अऊ ऊंखर संरक्षण बर ए प्रकार के ट्रांसलोकेशन गतिविधि जरूरी हे। अचानकमार टाईगर रिजर्व अपन समृद्ध जैव विविधता अऊ प्राकृतिक घर बर जाने जाथे। ए टाईगर रिज़र्व म बाघ मन के संख्या म वृद्धि बर प्रे-बेस बढ़ाए के जरूरत ल ध्यान म रखत ये प्रयास करे जात हे।
श्री कश्यप ह वन विभाग के अधिकारी मन ले कहिन कि जंगल सफ़ारी के जानवर मन के सही ढंग ले देखभाल करव, पानी, चारा अऊ उपचार के समुचित व्यवस्था करव। उमन पर्यटक मन बर संचालित भ्रमण व्यवस्था मन के जायजा लीन अऊ नवाचार करे के निर्देश दीन। उमन कहिन कि पर्यटक मन बर सेल्फी पॉइंट बनाय जाय, जेखर से पर्यटक, जानवर मन के संग सेल्फी ले सकंय। पर्यटक न के सुविधा बर भ्रमण गाड़ी मन म पानी अऊ आन व्यवस्था दुरुस्त करे के घलोक निर्देश दीन।
ए अवसर म विधायक श्री इन्द्र कुमार साहू, प्रधान मुख्य वन संरक्षक अउ वन बल प्रमुख श्री व्ही. श्रीनिवास राव, प्रधान मुख्य वन संरक्षक श्री सुधीर अग्रवाल, मुख्य वन संरक्षक श्री राजू आगसिमनी, नंदनवन जू अउ सफारी के संचालक सह वनमंडलाधिकारी श्री धम्मशील गणवीर, वनमंडलाधिकारी रायपुर श्री लोकनाथ पटेल, सहायक संचालक श्री वाय. के. डहरिया, अधीक्षक नंदनवन जू, रायपुर श्री अभय पाण्डेय, उप वनमंडलाधिकारी, रायपुर श्री विश्वनाथ मुखर्जी अउ नंदनवन जू अऊ सफारी अंतर्गत कार्यरत जम्मो परिक्षेत्र अधिकारी, वन्यप्राणी चिकित्सक अउ कर्मचारीगण उपस्थित रहिन।
