गांव म पेयजल पहुंचाके जिला प्रशासन ह जीतिस गांव वाले मन के भरोसा
मुंगेली, छत्तीसगढ़ के मुंगेली जिला अंतर्गत अचानकमार टाइगर रिजर्व के घना जंगल म बसे बम्हनी गांव के कइ बछर जुन्ना पेयजल के समस्या अब बीते समय के बात हो गए हे। कभू गांव वाले मन ल कई किलोमीटर दूर ले पानी लाना परत रहिस, उहां अब जल जीवन मिशन के माध्यम ले घर के तीरे म शुद्ध पेयजल उपलब्ध होवत हे।
जिला प्रशासन के ये पहल के निरीक्षण करे खुद कलेक्टर श्री कुन्दन कुमार अऊ पुलिस अधीक्षक श्री भोजराम पटेल अचानकमार क्षेत्र के सुदूर ग्राम बम्हनी पहुंचिन। उमन उहां बोरिंग ले निकले पानी ल खुद पीके ओखर गुणवत्ता के प्रत्यक्ष परीक्षण करिन।
वनांचल के दुर्गम गांव मन म जल जीवन मिशन के अंतर्गत बोर खनन अउ पेयजल योजना संचालित करे जात हे, जेकर से अब सैकड़ों परिवार ल स्वच्छ जल के सुविधा प्राप्त होवत हे। गांव वाले मन ह बताइन के पहिली महिला अऊ लइका मन रोजेच पानी भरे बर पहाड़ अऊ पगडंडी म कई किलोमीटर के सफर तय करत रहिन।
वनवासी अंचलों म पेयजल जइसे मूलभूत सेवा के उपलब्धता ये प्रमाण हे कि शासन अब सही ज़रूरत ल प्राथमिकता देवत हे। ये पहल न केवल स्वास्थ्य अऊ स्वच्छता के दिशा म बदलाव लाही, बल्कि एखर से सामाजिक अऊ आर्थिक जीवन स्तर घलोक बेहतर होही। कलेक्टर श्री कुन्दन कुमार ह मौका म उपस्थित गांव वाले मन ले कहिन के प्रशासन के उद्देश्य सिरिफ विकास कार्य मन के क्रियान्वयन भर नइ हे, बल्कि उंखर स्थायित्वपूर्ण उपलब्धता सुनिश्चित करना हे। पुलिस अधीक्षक श्री भोजराम पटेल ह घलोक गांव वाले मन के सहभागिता ल सहरावत कहिन के शासन-प्रशासन अऊ समाज के साझा भागीदारी ही बदलाव के असली कुंजी हे।
अचानकमार टाइगर रिजर्व के घना जंगल म बसे बम्हनी गांव म कइ बछर बाद पहुंचिस पीए के पानी
