बिलासपुर, 4 फरवरी 2024। शासन के निर्देश म अवैध खनन के विरूद्ध लगातार कार्यवाही के सिलसिला जारी हे। बिलासपुर जिला म सरलग तीसर दिन अवैध खनन अउ परिवहन म संलिप्त फर्म अउ मनखे मन के विरूद्ध कार्यवाही करे गीस। जिला म चूना पत्थर के 6 क्रशर सील करे गीस अउ अवैध परिवहन के छै मामला पकड़े गीस। बीते तीन दिन म अवैध रूप ले संचालित 18 क्रशर सील करे गए हे।
खनिकर्म विभाग के उप संचालक ह बताइस कि जिला कलेक्टर के निर्देश म अवैध खनन गतिविधि मन के खिलाफ जांच अभियान अवकाश के दिन घलोक जारी रहीस। खनिज अमला बिलासपुर अउर राजस्व अमला तखतपुर अउर बिल्हा ले 4 फरवरी के तखतपुर के चूना पत्थर खदान मन के जांच करे गीस। जांच म पाये गए अनियमितता के आधार म कार्रवाई करत 6 क्रशर सील करे गीस। ए हिसाब ले पाछू तीन दिन म अवैध रूप ले संचालित 18 क्रशर उद्योग सील करे गए हे।
जिला बिलासपुर अंतर्गत तखतपुर तहसील म ग्राम दर्री, घोरामार अउ बेलसरा म 06 निम्नश्रेणी चूनापत्थर खदान म स्थापित क्रशर मन के संचालक शत्रुघन चंद्राकर, सुनील कुमार अग्रवाल, विष्णु प्रसाद अग्रवाल, मेसर्स लैण्डमार्क इंजीनियरिंग, श्रीमति पुष्पा दुबे अउ रामकुमार खुसरो से जरूरी कागद प्रस्तुत नइ करे के सेती क्रसर सील करे गीस।
पर्यावरण शर्त के पालन नइ करे म 07 ल थमाइस नोटिस
बिल्हा तहसील अंतर्गत ग्राम धौराभांटा अउ हरदी म स्वीकृत 4 कोयला के अस्थायी भण्डारण अनुज्ञप्तिधारी गंगा ट्रेडर्स, सत्यभामा ट्रेडर्स, लक्ष्मी एजेंसी अउ हनुमान कोल ट्रेडर्स अउ 03 डोलोमाईट अस्थायी भण्डारण अनुज्ञप्तिधारी शाह स्टोन सप्लायर पार्टनर गिरिश कुमार शाह, शाह स्टोन स्प्लायर प्रो. हरीश कुमार शाह अउ सिंह स्टोन माईन्स प्रो. रघुराज सिंह के संग पर्यावरण शर्त के पालन नइ करे अउ भू-राजस्व जमा नइ करे के सेती पर्यावरण अउ राजस्व विभाग के अधिकारी मन कोति ले कार्रवाई करके नोटिस थमाए गीस।
बिना रायल्टी परिवहन म 06 मामला दर्ज करे गीस
खनिज अमला दल आज बिलासपुर जिला अंतर्गत दर्री, काठाकोनी अउर सकरी क्षेत्र मन के निरीक्षण करीस। जेमां निम्नश्रेणी चूनापत्थर के 2 ट्रेक्टर, खनिज रेत के 1 ट्रेक्टर, 2 हाईवा अउ मुरूम परिवहन करत 1 हाईवा जप्त करके थाना सकरी अउ जुनापारा चौकी म पुलिस अभिरक्षा म रखे गीस। जांच म सबो वाहन मन म बिना विधि सम्मत अभिवहन पास के खनिज परिवहन करे के सेती अवैध खनिज परिवहन के प्रकरण दर्ज करे गए हे।
