अवैध शराब के विरुद्ध आबकारी विभाग के बड़का कार्यवाही

अम्बिकापुर, कलेक्टर श्री कुन्दन कुमार के निर्देश म अवैध शराब निर्माण अउर बिक्री के विरुद्ध आबकारी अउर पुलिस के टीम ह कार्यवाही करत हे। इही कड़ी म इतवार के आबकारी के टीम ह आन प्रदेश ले लाए गे अवैध शराब उपर कार्यवाही करत मौका म 29.52 लीटर अवैध शराब जब्त करिस अऊ आरोपी ल जेल दाखिल कर दीस।
जिला आबकारी अधिकारी श्री नवनीत तिवारी ह बताइस कि गश्त के समय मुखबिर के सूचना म आबकारी उप निरीक्षक श्री भुवनेश्वर मरकाम के नेतृत्व म टीम ह ग्राम भिट्टीकला म आरोपी विनोद राजवाड़े के कब्जा ले 29.52 लीटर हरियाणा अउर मध्यप्रदेश के विदेशी मदिरा ब्रांड मैक डोवेल नंबर 1, रॉयल ग्रेंडर अउर गोवा स्प्रीट शराब जब्त कर के धारा 34 (1) (क) 34 (2) व 59 (क) अउर 36 के तहत प्रकरण कायम कर आरोपी ल गिरफ्तार करके न्यायिक रिमांड म जेल दाखिल करे गीस।
कार्यवाही म मुख्य आरक्षक श्री आनंद राम भोई, आरक्षक श्री रमेश गुप्ता श्री दिनेश जायसवाल, श्री द्वारिका प्रसाद गुप्ता, श्री प्रेम शंकर अउर ज्योति मिंज के विशेष भूमिका रहिस।