दुर्ग जिला म एमआरपी ले जादा कीमत म सामान बेंचे म होइस कार्रवाई

दुर्ग 16 अप्रैल 2020। खाद्य विभाग, नापतोल, फूड सेफ्टी ऑफिसर, ड्रग इंस्पेक्टर के संग संघरा जांच दल ह रानीतराई के किराना दुकान मेडिकल दुकान पान गुटखा बेचइया दुकान म दबिश देहे गीस। ये बेरा म रानीतराई स्थित हरीश किराना दुकान, राजेश किराना दुकान अउ शांति मेडिकल, आशा मेडिकल अऊ लक्ष्मी किराना स्टोर्स, बंसी किराना स्टोर्स कौही, हरिओम किराना स्टोर्स केसरा, कमलेश किराना गोड़पेन्‍ड्री के जांच करे गीस। साहू पान ठेला रानीतराई म जादा कीमत म पान मसाला बेंचत पाए गीस त वोकर उपर 2000 रु के अर्थदंड करे गीस। सबो दुकानदार मन ल कीमत सूची चस्पा करे अउ सोशल डिस्टेंसिंग के पालन करे अउ मेडिकल दुकान मन म मास्क सैनिटाइजर के रेट प्रदर्शित करे अउ शासन कोति ले समय-समय म जारी निर्देश मन के पालन करे बर हिदायत देहे गीस। बंछोर मेडिकल रानीतराई म निरधारित कीमत ले जादा दर म मास्क बेचे के शिकायत पाए गीस त दुकानदार ल नोटिस देके जवाब मांगे गए हे। ये कार्यवाही म खाद्य सुरक्षा अधिकारी खीरसागर पटेल, नारद कोमरे, अजय सिंग, ड्रग इंस्पेक्टर इस्वरी सिंग, सहायक फूड अधिकारी नायक, फूड इंस्पेक्टर ठाकुर, नापतौल के सहायक नियंत्रक कुंजाम के संग टीम शामील रहिस।