धमतरी, 3 दिसम्बर 2020। प्रदेश सहित धमतरी जिला म 31 जनवरी तक समर्थन मूल्य म धान खरीदी करे जाही। कलेक्टर जयप्रकाश मौर्य के निर्देश म जिला म अन्य राज्य मन ले धान के आवक अऊ धान व्यापार/ भण्डारण/परिवहन इत्यादि के जांच लगातार करे जावत हे। खाद्य अधिकारी ह बतइस कि इही कड़ी म बुधवार के राजस्व, खाद्य विभाग अऊ कृषि उपज मंडी के संयुक्त जांच दल ह क्षेत्र भ्रमण करिन। धान परिवहन के जांच के दौरान दल ह कोंडागांव जिला के बांसकोट निवासी चंद्रकांत साहू ले 93 कट्टा धान जब्त करे गिस। धान के अवैध व्यापार करत पाए जाए म आरोपी के विरूद्ध छत्तीसगढ़ कृषि उपज मंडी अधिनियम 1972 के धारा के तहत प्रकरण दर्ज करके कार्रवाई करे गिस।
धान के अवैध व्यापार करने वाल के विरूद्ध करे गिस कार्रवाई, 93 कट्टा धान जब्त
