यूरिया के दाम ल बढाईस त दुकानदार के विरुद्ध म होइस कार्यवाही

कोंडागाँव, 31 अगस्त 2020। ग्राम रांधना म एक कृषि केन्द्र द्वारा एक बोरी यूरिया ल 400 रुपिया म बेचत हुए पकड़े गिस जबकि शासकीय मूल्य नियंत्रण के तहत म एक बोरी यूरिया 266 रुपिया के दर ले बेचे जाना हे। विगत दिन यूरिया के कालाबाज़ारी अउ ओकर जादा दाम म बेचे जाये के शिकायत ल देखत हुए कलेक्टर पुष्पेंद्र कुमार मीणा ह एकर विरुद्ध अभियान चला के अइसन मनखे के विरुद्ध अपराध दर्ज करे बर आदेश जारी करे गे रिहिन। एकर तहत एसडीएम कोण्डागाँव पवन कुमार के निर्देशन म तहसीलदार माकड़ी विजय मिश्रा के टीम द्वारा संयुक्त कार्यवाही करे गिस।

ये कार्यवाही म टीम द्वारा पहिली पटवारी योगेन्द्र कुमार नाग ल क्रेता बनाके यूरिया खाद खरीदे बर भेजिस। ओकर दुकान पहुंच के यूरिया के मांग करे म साईं नाथ कृषि केंद्र रांधना के संचालक द्वारा 400 रुपिया प्रति बोरी के हिसाब ले 1 बोरी खाद ओला प्रदान करिस। राशि ल भुगतान करिस। एकर रसीद ल घलो दुकानदार द्वारा क्रेता ल प्रदाय करिस। तेकर बाद म टीम द्वारा आवश्यक वस्तु अधिनियम 1955 अउ उर्वरक नियंत्रण आदेश के तहत दुकान के संचालक के विरुद्ध प्रकरण दर्ज कर ले गिस।